Բլոգ «ՔԵՅԷՄՋԻ ՔՈՆՍԱԼԹԻՆԳ» ՍՊԸ-Ն՝ ԲԻԶՆԵՍԻ ԲԱՐԵՎԱՐՔՈՒԹՅԱՆ ԱԿՈՒՄԲԻ ՆՈՐ ԱՆԴԱՄ

Բլոգ

Մասնագիտական տեղեկատվության անկատարության, ինչպես նաև փոքր և միջին ձեռնարկությունների մասնագիտական տեղեկատվության բարձրացման նպատակով «ՔԵՅԷՄՋԻ ՔՈՆՍԱԼԹԻՆԳ» ընկերությունը պաշտոնական կայքի, բլոգի, YouTube ալիքի և սոցիալական ցանցերի միջոցով փորձելու է լուսաբանել, բացատրել, վերլուծել և ներկայացնել ոլորտում առկա խնդիրները՝ առաջարկելով հնարավոր լուծումներ:

«ՔԵՅԷՄՋԻ ՔՈՆՍԱԼԹԻՆԳ» ՍՊԸ-Ն՝ ԲԻԶՆԵՍԻ ԲԱՐԵՎԱՐՔՈՒԹՅԱՆ ԱԿՈՒՄԲԻ ՆՈՐ ԱՆԴԱՄ

2203 / 2022-08-12 / KMG

Բիզնեսի բարեվարքության ակումբը Հայաստանի գործարար համայնքի առաջին հավաքական նախաձեռնությունն է: Ակումբը խթանում է հայ գործարարների հավաքական գործողությունները կորպորատիվ կառավարմանն առնչվող խնդիրների շուրջ:

Բիզնեսի բարեվարքության ակումբին անդամակցելը հայ գործարարներին հնարավորություն է տալիս իրենց ներդրումն ունենալ հատկապես Հայաստանի կորպորատիվ կառավարման միջավայրի բարելավման հարցում, ինչպես նաև առաջարկել կորպորատիվ կառավարմանն առնչվող խնդիրների լուծումներ։

Բիզնեսի բարեվարքության ակումբի նպատակն է նպաստել Հայաստանի գործարար միջավայրի թափանցիկությանն ու հաշվետվողականությանը, բարձրացնել վստահությունը երկրի տնտեսական համակարգի նկատմամբ, ըստ այդմ՝ աջակցել տնտեսություն երկարաժամկետ, համբերատար ու կառուցողական ներդրումների ներգրավմանը և խթանել տնտեսական զարգացումը: Բիզնեսի բարեվարքության ակումբը բաց է ցանկացած կազմակերպության համար, որը խոսքով և գործով հարգում է բարեվարքության չափորոշիչները ու պատրաստ է նաև խթանել դրանց տարածումը:

Ակումբի անդամները ստանում են մասնագիտական աջակցություն՝ բարելավելու սեփական կառավարման համակարգը և նպաստելու, որ լավ կառավարման գործելաոճը դառնա Հայաստանում գործարարությամբ զբաղվելու անբաժան մասը։